500 bagong recruits ng MMDA sumabak sa squatter

Sumabak na sa trabaho ang 500 bagong recruits ng Metropolitan Manila Development Authority at itinalaga ang mga ito sa sidewalk clearing operations ng ahensiya matapos ang isang linggong training.

Sa kabuuang bilang na 4,000 jobs para sa mga non-career positions, sumalang na sa trabaho ang first batch matapos sumailalim sa physical training.

Partikular na iniutos ni MMDA Chairman Bayani F. Fernando ang deployment ng mga ito sa kahabaan ng R10 road sa Navotas upang alisin ang lahat ng uri ng sagabal sa sidewalk kabilang dito ang illegally built structures at shanties.

Isa sa mga recruit ay nagtamo ng minor injury makaraang madaplisan ng bala sa kanyang balikat sa kasagsagan ng operasyon noong Huwebes na naging dahilan din ng pagkakaroon ng komosyon na nauwi sa suspensiyon ng clearing operation. (Lordeth Bonilla)