Bangkay nadiskubre sa ringtone

Naging susi ang ringtone ng cellphone upang matuklasan ang matigas ng bangkay ng isang dating seaman ng kanyang kababayan sa Tondo, Maynila.

Kinilala ng mga awtoridad ang bangkay ni Emilio Sangacena, tubong Iloilo at residente ng Rm. 222 Bldg. 26 Katuparan Condominium, Tondo.

Ayon sa pulisya, dakong alas-9 ng gabi nang natuklasan ni Emilio Santistiban, 36, kaibigan ng biktima ang bangkay bunga ng paulit-ulit na pagtunog ng cellphone.

Kinutuban si Santistiban nang hindi sinasagot ng biktima ang kanyang cellphone na nagbunsod upang pasukin nito ang condo ng huli at matagpuan ang matigas ng bangkay. (Danilo Garcia)