Ang paniniyak ay ginawa ni de Guzman bunsod na rin ng pagbabawal sa lungsod ng operasyon ng kahit na anong uri ng sugal na nakasaad sa QC Charter na walang pinahihintulutang anumang uri ng sugal.
Ayon kay de Guzman iligal ang operasyon ng mga internet casino kung kaya’t iligal din ang mga inisyung business permit sa mga ito bagama’t pinayagan na ng city council ang operasyon nito.
Sa katunayan aniya, ay inutos ni QC Mayor Feliciano Belmonte ang pagpapatigil sa operasyon ng Small Town Lottery (STL) matapos na mabigo ang may-ari nito na makapagpakita ng business permit.
Lumilitaw na umaabot sa 14 internet casino ang binigyan ng permit ng QC Permit and Licensing Office na ilan dito ay ang WR Gaming Entertainment Corp., Running Mate Inc., Pwersun Corp., Big Game Inc., Lucky 321 Corp. (Angie dela Cruz)