Ayon kay MPD director Chief Supt. Pedro Bulaong, ang pagsisimula ng "Manila’s Armour" ay naglalayon na mapigilan ang posibleng banta ng mga raliyista at iba pang grupo at magbantay na rin sa ilang vital government at private installation bukas, Mayo 1.
Iginiit pa nito na handa ang MPD na ipatupad ang Labor Day security and contingency plan sa posibleng gulo at demonstrasyon sa Maynila.
Nilinaw naman nito na ang activation ng Manila’s Armour ay bilang tugon na rin sa National Capital Region Police Office (NCRPO) Task Force Manila shield na kanila nang sinimulan ngayong Abril 30, 2006.
Idinagdag pa ni Bulaong na ang lahat ng miyembro ng Manila’s armour ay inatasan na ipatupad ang maximum tolerance upang maiwasan ang sakitan sa pagitan ng pulisya at mga raliyista. Subalit iginiit pa rin nito na mahigpit pa ring ipatutupad ng MPD ang "no permit, no rally" policy na nakabase sa Batas Pambansa 880 o ang batas na nagbabawal sa illegal assembly. (Gemma Amargo-Garcia)