Barker niratrat ng 3 armado

Agad na nasawi ang isang 39-anyos na barker makaraang ratratin ito ng bala ng matataas na kalibre ng baril ng tatlong armadong kalalakihan na pawang sakay ng isang Mitsubishi Lancer na walang plaka, kamakalawa ng gabi sa Caloocan City.

Kinilala ang biktima na si Roy Santos, ng Quirino Highway, Brgy. 185, Malaria, nabanggit na lungsod na nagtamo ng maraming tama ng bala sa iba’t ibang parte ng katawan nito.

Dakong alas-8 nang maganap ang insidente sa terminal ng MBR-TODA na hindi lamang kalayuan sa bahay ng biktima.

May hinala naman ang pulisya na posibleng paghihiganti ang motibo sa pamamaslang sa biktima. (Rose Tamayo-Tesoro)