Stude, dedo sa 5 addict

Isang college student ang namatay makaraang pagtripang saksakin ng limang drug addict kahapon ng madaling-araw sa Makati City.

Dead on the spot ang biktimang si Bon Carlo Leyda, 22 ng Blk. 179 Lot 04, Morning Glory St. Brgy. Pembo, Makati bunga ng mga saksak sa iba’t ibang bahagi ng katawan.

Mabilis namang tumakas ang mga suspect na isa dito ay nakilala sa pangalang Dais Adto ng Castone St. Pateros.

Sa pagsisiyasat ng pulisya, naganap ang insidente dakong ala-1:30 ng madaling-araw sa kahabaan ng Morning Glory St.

Papauwi ang biktima nang makasalubong niya ang mga suspect na nasa ilalim ng impluwensiya ng droga.

Walang sabi-sabing inundayan ng saksak ng mga suspect ang biktima at saka mabilis na tumakas.

Nagsasagawa naman ng follow-up operation ang mga pulisya upang madakip ang mga salarin. (Lordeth Bonilla)