Vendor binoga sa harap ng puwesto

Patay ang isang 43-anyos na vendor makaraang pagbabarilin ng hindi pa nakikilalang salarin sa harapan ng kanyang puwesto sa tiangge, kamakalawa ng gabi sa Marikina City.

Ang biktima na agarang nasawi sanhi ng tatlong tama ng bala ng baril sa ulo at katawan ay nakilalang si Omar Iman, ng Paniqui, Tarlac, samantala mabilis na tumakas ang hindi pa kilalang suspect na nakasuot lang ng short, t-shirt na puti at waway cap.

Sa imbestigasyon ni PO3 Glen Aculana, naganap ang insidente dakong alas-8 ng gabi habang nakaupo ang biktima sa harap ng kanyang tindahan sa isang tiangge sa River Bank na matatagpuan sa Brgy. Sto. Niño ng nabanggit na lungsod.

Nabatid na bigla na lang sumulpot ang suspect na armado ng nasabing kalibre ng baril at malapitang binaril ang biktima at pagkatapos ay mabilis na humalo sa mga taong namimili sa lugar.

Lumalabas sa imbestigasyon ni Aculana na kapwa Muslim ng biktima ang pumaslang dito dahil sa pagiging ilegal vendor nito at makailang beses na rin umano itong sinabihan ng mga kasama na pumarehas dahil nagbabayad ng upa sa puwesto ang iba. (Edwin Balasa)