Kabataan hinamon maging lider

Hinamon ng isang youth representative ng Quezon City Council ang mga kabataan na paghandaan ang pagiging mga lider ng bansa sa pamamagitan ng pagiging responsable at mabungang mamamayan. Ayon kay Gemboy Castelo, ang pagiging lider ng mga kabataan ay maaaring simulan ngayon sa pagsisilbi sa komunidad at iba pang larangan kung saan magagamit ang kanilang mga talento.

Si Castelo ay aktibo sa inilunsad na Linggo ng Kabataan sa Quezon City na pinangungunahan ni Mayor Feliciano ‘Sonny’ Belmonte. Pinapurihan ni Belmonte ang tema ng nasabing selebrasyon na "Kabataan, Kumilos at Lumahok ka sa Paghubog ng kinabukasan".