Ayon kay Supt. Napoleon Cuaton, hepe ng Station Investigation and Detective Management Bureau at hepe ng Task Force Cabral, ipatatawag nila ang mga kagawad ng Brgy. 180 upang siyasatin sa pagpatay kay Brgy. Capt. Felicisimo Cabral, 67.
Si Cabral ay pinatay sa loob ng kanyang bakuran sa Blk.1, Lot 2 Victoria Heights Subdivision, Caloocan City habang nagto-tonghits dakong alas-11:45 ng gabi noong Biyernes.
Nasugatan naman ang kalaro ni Cabral na si Leo Conde, 39 at kasalukuyang nagpapagaling sa East Avenue Medical Center.
Nilinaw ni Cuaton na hindi mga suspect ang mga kagawad na kanilang iimbitahan kundi magbibigay linaw lamang sa kanilang imbestigasyon.
Si Cabral ay pinagbabaril ng limang hindi pa nakikilalang suspect na armado ng .45 caliber at 9mm pistol.