Patay na sanggol natagpuan

Palaisipan sa mga awtoridad ang pagkakatagpo sa bangkay ng isang sanggol na kapapanganak pa lamang sa isang bahay sa Quezon City.

Karumal-dumal ang sinapit ng sanggol na babae dahil sa nabubulok na ito nang makitang nakakalat sa loob ng bahay sa No. 96 Maningning St., Brgy. Teachers Village sa nabanggit na lungsod dakong alas-11:30 kamakalawa ng gabi. Tanggal na rin ang pusod nito.

Ayon sa pulisya, ang bahay ay inuupahan ni Choy Hu, isang Koreano kasama ang ilan pang Korean.

Agad namang itinanggi ng mga ito na may kinalaman sila sa pagkamatay ng sanggol na posibleng kinaladkad ng aso papasok sa loob ng bakuran.

Subalit ayon sa pulisya hindi maaaring makapasok sa bakuran ang aso dahil mataas ang bakod sa nasabing bahay. (Doris Franche)