Halos lumawit ang bituka bunga ng mga saksak na tinamo sa katawan ng biktimang si Ronald Pacer, ng Recto Avenue, Sta. Cruz.
Patuloy namang kinikilala at pinaghahanap ang tumakas na suspect na tinatayang nasa gulang na 30-anyos, maiksi ang buhok.
Sa ulat ng Manila Police District, naganap ang pananaksak dakong alas-8 ng umaga sa may Gasangan, Baseco Compound, Port Area.
Ayon sa mga saksi, nakita nila ang biktima na naglalakad kasama ang suspect sa may batuhan sa gilid ng Manila Bay. Nakita nila na biglang nagtalo ang dalawa at saksakin ng suspect ang biktima bago mabilis na tumakas.
May teorya ang pulisya na posibleng bayarang lalaki ang suspect at hindi nagkasundo sa halaga na ibabayad ng biktima sa serbisyong ibinigay nito. (Danilo Garcia)