UP student nagbigti

Isang Philosophy student ng University of the Philippines (UP) ang nagbigti sa loob ng kanyang condominium sa Quezon City.

Kinilala ni Chief Insp. Ruel Vacaro ng QC Crime Lab ang biktimang si Cecile Loughrant, 20, half British-half Filipino at residente ng No. 601 Prince David Condominium, Katipunan, Brgy. Loyola Heights ng nabanggit na lungsod.

Dakong alas-5:30 ng hapon nang matagpuan ang bangkay ng biktima ng roommate nito na si Argonel Sala, 18, isang Ateneo student.

Ayon kay Sala, nakita niyang tila dinibdib umano ng biktima ang pakikipagbreak ng kasintahan nito noong nakaraang linggo.Subalit nakita pa niya kahapon ng umaga ang biktima.

Gamit ang isang dilaw na nylon cord isinabit ito ng biktima sa bintana at saka nagbigti.

Gayunman, sinisiyasat pa rin ng biktima ang insidente upang malaman kung may foul play dahil may pasa ito sa dibdib. Wala namang nakuhang suicide note sa lugar. (Ulat ni Doris Franche)