Pera naibalik sa turista

Pinuri ng isang turista ang mga pulis Caloocan na mabilis na nagresponde sa kanyang problema nang magkaroon ng aberya sa ipinadalang pera mula sa bansang Mauritius kamakailan.

Sa pahayag ni Marie Gina Alfonso, 36, agad siyang tinulungan ng mga pulis sa pangunguna ni Chief Insp. Crisencio Galvez nang magkulang ang kanyang nakuhang pera mula sa Western Union Money Transfer sa Grand Central branch.

Lumilitaw na may kukuning pera si Alfonso sa nasabing bangko na nagkakahalaga ng $800 na may katumbas na P50,000 nang magkaroon ng problema. P1,000 lamang ang naibigay kay Alfonso ng bangko.

Bunga nito, agad na humingi ng tulong si Alfonso sa mga pulis kung kaya’t agad na naibalik ang pera nito.

Ayon naman sa bangko, isang "honest mistake" ang nangyari. (Rose Tamayo)