Drug trafficker lusot sa bitay

Ibinaba sa life imprisonment ng Court of Appeals (CA) ang naunang ipinataw na kamatayan ng Mababang Hukuman sa isang drug trafficker dahil sa ilegal na search warrant nang salakayin ang bahay nito ng mga awtoridad, sa Malabon City noong taong 2000.

Sa desisyon ng CA 8th Division, ibinaba sa habambuhay na pagkabilanggo ang hatol sa akusadong si Su Zhi Shan alyas Alvin Ching So, mula sa naunang ipinataw na kamatayan ni Malabon RTC Judge Benjamin Aquino Jr., ng Branch 72.

Hindi na rin pinababayaran ng appellate court kay So ang ipinataw na P10 milyong ng hukom, bukod pa sa pag-uutos sa pulisya na ibalik na kay So ang nakumpiskang Toyota Revo. (Ulat ni Ludy Bermudo)