Mga miyembro ng AMWSLAI umalma

Naalarma at umaalma ang libu-libong mga miyembro ng Air Material Wing Savings and Loan Association Inc. (AMWSLAI) makaraang sumambulat sa publiko ang balitang kwestiyonable sa ngayon ang katatagan ng nasabing asosasyon.

Kaunay nito, tiniyak ni Rep. Jaime C. Lopez, chairman ng House Committee on Banks and Financial Intermediaries na nananatiling matatag ang asosasyon matapos na makita nito ang General Evaluation Report (GER) mula sa Bangko Sentral ng Pilipinas (BSP) na isinumite ni AMWSLAI chairman Ricardo L. Nolasco Jr., sa mga miyembro ng House Committee.

Gayundin, remehistro rin umano sa BSP report ng AMSLAI na nasa satisfactory level ang financial status nito at upang maibsan ang pangamba ng mga miyembro, nangako si Lopez na ang isinasagawang pagdinig sa Kongreso ay ‘purely in aid of legislation’ at umaasa ito na sa Hunyo ng taong ito ay makakagawa ng mga panukala na magbibigay ng karagdagang supervisory at regulatory powers sa BSP para sa Non-Stock Savings and Loan Associations. (Lordeth Bonilla)