4 Esperat slay, timbog

Apat na suspect sa pagpaslang sa kolumnistang si Marlene Esperat ng Sultan Kudarat ang nahulog na sa kamay ng mga tauhan ng National Bureau of Investigation (NBI).

Kasabay nito, tinukoy na rin ni NBI director Reynaldo Wycoco ang utak sa krimen na sina Sumail Sekkak, dating regional director ng DA sa Central Mindanao at ang misis nito na dati namang opisyal sa DSWD.

Nakilala ang mga nadakip na sina Estanislao Besman; Jake Cabaya; Owe Bancare na sinasabing siyang hitman ni Esperat at ang lookout na si Randy Grecia.

Nabatid na nauna nang sumuko sa mga tauhan ng General Santos Police Station si Grecia na siyang nagbunyag ng mga pangalan ng mga sangkot sa kaso.

Pangunahing motibo umano sa pagpatay kay Esperat ay ang ginawa nitong mga banat sa kanyang kolum sa Midland Review at pagsasampa ng kasong graft laban sa mag-asawang Sekkak na naging sanhi sa pagkasibak sa kani-kanilang mga posisyon. (Ulat ni Danilo Garcia)