Bangkay ng babae, itinapon sa balon

Sinisiyasat pa ngayon ng pulisya kung ginahasa at paano pinatay ang isang babae na natagpuan ang bangkay at inilagay sa loob ng isang balon sa Taguig City, kahapon ng hapon.

Sa sketchy report na natanggap ng Police Community Precint 7 ng Taguig Police, kinilala lamang ang biktima sa pangalang Rose.

Samantala, blanko pa rin hanggang sa ngayon ang pulisya kung sino ang responsable sa pagpaslang sa biktima.

Sa inisyal na ulat, dakong ala-1:40 ng hapon nang matagpuan ang bangkay ni Rose sa loob ng isang balon sa Mini Park, Fort Bonifacio, Brgy. Western Bicutan, Taguig City.

Inaalam pa kung biktima ito ng panghahalay at kung paano ito pinatay bagamat may palatandaan ito ng mga pasa sa katawan. (Ulat ni Lordeth Bonilla)