Ang kasong kidnapping kay Roldan, Mitchell Gumabao sa tunay na buhay ay didinggin sa sala ni Judge Agnes Carpio ng Pasig RTC Branch 261, isang family court.
Subalit sa kasalukuyan ay hindi pa rin alam kung kailan ang unang pagdinig ng nasabing kaso dahil sa kasalukuyan ay hindi pa nakukuha ng nasabing judge ang information at charge sheet.
Matatandaang sinampahan ng kasong kidnapping si Roldan sa prosecutors office ng Pasig RTC dahil sa pagkidnap sa 3-anyos na si Kenchi Yu noong nakalipas na Pebrero 9.
Nadakip si Roldan kasama ang iba pang suspect noong Pebrero 20 sa kanilang safehouse sa Harvard St., Cubao, Quezon City.
Wala namang piyansang inilaan ang korte sa pansamantalang kalayaan ni Roldan. (Ulat ni Edwin Balasa)