Kaso vs killer ni Eli Formaran didinggin sa Hulyo 22

Sisimulan ng dinggin ng Quezon City Regional Trial Court (QCRTC) sa Hulyo 22 ang kasong pagpatay at pagnanakaw laban sa killer ng showbiz writer na si Eli Formaran na natagpuang tadtad ng saksak sa katawan noong Mayo 25 sa loob ng kanyang condominium unit sa Quezon City.

Ayon kay QCRTC branch 76 Pairing Judge Vivencio Baclig, sa Huwebes nakatakda ang arraignment laban kay Eric Alba, 26, employee ng Hotel Rembrant at residente ng 388 Jose P. Rizal St. San Juan, Metro Manila.

Si Alba ay kasalukuyang nakakulong sa QC Jail matapos na walang piyansa ng inirekomenda ang korte laban sa kasong isinampa sa kanya.Gayunman, P40,000 naman ang piyansa nito sa kasong pagnanakaw.

Samantala ang preliminary investigation ng kasong arson laban kay Alba ay nasa tanggapan na ni Assistant City Prosecutor Jan Radulfo at ito ay didinggin ngayong umaga sa ganap na alas-2 ng hapon (Ulat ni Doris Franche)