Pasyente ng mental hospital,nagbigti

Isang pasyente sa National Center for Mental Health ang nagpasyang tapusin ang kanyang buhay sa pamamagitan ng pagbibigti makaraang sumpungin umano ng sakit nito, kahapon ng umaga sa Mandaluyong City.

Nakilala ang nasawing pasyente na si Pedro Lumacjos, ng Private Road, Brgy. Hulo ng nabanggit na lungsod. Ito ay natagpuang nakabitin sa loob ng kanyang selda gamit ang telephone wire na itinali sa kanyang leeg at isinabit sa kisame.

Sa ulat, nakita ang nakabigting pasyente dakong alas-11:30 ng umaga ng mga kasamahan din nitong pasyente sa Pavillion 5 ng NCMH na matatagpuan sa Brgy. Mauway ng lungsod na ito.

Napag-alaman pa ng pulisya na isang ex-convict ang nasawi na nakasuhan ng homicide, paglabas nito ng kulungan ay nagka-diprensiya na sa pag-iisip kaya minabuti ng mga kaanak na ilagak sa mental hospital.

Gayunman, inaalam pa kung may naganap na foul play sa pagkamatay nito. (Ulat ni Edwin Balasa)