Nakilala ang biktima na si Candise Castro, 23, empleyada ng Metrobank- Pres. Quirino Avenue Branch, Malate.
Sa ulat ng pulisya, nadiskubre ang bangkay ng biktima dakong alas-11:30 ng umaga sa loob ng inuupahan nitong condo unit sa 11th floor ng Vellagio Tower sa Pres. Quirino Avenue.
Natagpuan ang biktima na walang saplot sa katawan, may sugat sa kanyang batok kung saan pinukpok ito ng paso ng mga salarin at saka pinasukan ng handle ng floor mop ang kanyang ari.
Nabatid na kagagaling pa lamang umano sa paliligo ang biktima kaya wala itong saplot ng salakayin ng mga salarin.
Biniberipika pa ng pulisya kung nagahasa ang biktima bago ito paslangin.
Posible rin umano na mga magnanakaw o kakilala ng biktima ang mga suspect.
Patuloy naman ang isinasagawang imbestigasyon sa kaso. (Ulat ni Danilo Garcia)