Nakilala ang suspect na si Pablo Buenaventura, ng #2027 Leveriza St., ng lungsod na ito.
Inireklamo siya ni Jojo Torres, 50, isang negosyante, ng #325 Younger St., Balut, Tondo, Manila.
Ayon sa biktima, nagtungo siya sa gusali ng Knights of Rizal, katabi ng Pasay City Hall kung saan nagpanggap na abogado ang suspect at ni-notaryo nito ang kanyang ‘Deed of Absolute Sale’.
Ngunit nang isasangla na ni Torres ang kanyang lupa sa isang hindi nabanggit na banko, natuklasan niya na peke pala ang notaryo nito kaya’t nagtungo ito sa Pasay City Clerk of Court upang patunayan kung peke nga ang ni-notaryo ni Buenaventura.
Dahil dito, nagreklamo ang biktima sa pulisya, dakong alas-12:30 kahapon ng tanghali mismo malapit sa Pasay City Hall, nadakip ang suspect sa isang entrapment operation na inilunsad ng Pasay City Police at nadiskubre na limang taon na itong nanloloko at nagpapanggap na abogado. (Ulat ni Lordeth Bonilla)