Ang biktima ay tinatayang nasa edad na 30 hanggang 35, may taas na 4’9 talampakan, kayumanggi ang kulay at nakasuot ng puting t-shirt at maong na pants. Ito ay nagtamo ng dalawang tama ng bala ng baril sa katawan.
Sa ulat ni PO3 Ernesto Paraso Jr., ng Pasig Police natagpuan ang bangkay ng biktima dakong alas-7:30 ng umaga sa F. Soriano St., Brgy. Sto. Tomas, Pasig City.
Isang concern citizen ang tumawag sa pulisya upang ireport ang insidente. Nakuha rin sa lugar ang dalawang basyo ng kalibre.38 baril, isang indikasyon na posibleng sa naturang lugar pinaslang ang biktima. (Ulat ni Edwin Balasa)