Barikada ng mga magsasaka,binuwag: 10 sugatan

Sumiklab ang tensyon sa pagitan ng mga nagpoprotestang magsasaka at mga tauhan ng Central Police District (CPD) at Metro Manila Development Authority (MMDA) matapos na isagawa ang dispersal kahapon ng umaga sa harap ng Department of Agrarian Reform (DAR) na ikinasugat ng sampu katao.

Puwersahang itinaboy hanggang sa humantong sa hampasan at batuhan ang mga miyembro ng MMDA at CPD at mga nagpoprotestang kasapi ng UNORKA at mga kaalyado nitong non-government organization.

Naganap ang dispersal dakong alas-10:30 ng umaga matapos na magmatigas ang mga raliyista na ilang linggo nang nagkakampo sa DAR. Nagkaroon ng gulo at may naghagis pa ng molotov bomb na masuwerte namang hindi sumabog. (Ulat ni Doris Franche)