Ayon sa report ni Insp. German Peralta kay Sr. Supt. Julius Cesar Abanes ng CPD-Baler Station, kinuwestiyon lamang ng kanyang mga pulis na pinangungunahan ni PO2 Jonjon Sapat si Garcia matapos na makitang nakaparada ang sasakyan nitong Expedition na kulay maroon sa kanto ng Forestry at Miles Sts. na walang plate number, kasama ang isang alalay na si Andrew Lopez dakong alas-2:30 ng madaling-araw.
Minabuti ng kanyang mga tauhan na dalhin ang aktor sa PCP sa Brgy. Vasra upang tanungin kung ano ang ginagawa sa naturang lugar nang bigla na lamang lumapit ang dalawang lalaki na sumisigaw na nakilalang sina Allen at Sammy Flordeliz.
Dahil dito, minabuti ng mga pulis na kausapin nang maayos ang magkapatid na Flordeliz hanggang sa mapatunayang galing ang mga ito sa pakikipag-pot session kung saan nakuhanan ang mga ito ng ilang particles ng shabu at gamit na foil.
Inamin din umano ng magkapatid na Flordeliz na kasama nila sa pot session si Garcia. Gayunman, wala namang nakuhang shabu sa aktor.
Pinabulaanan din ni Abanes na pinakawalan si Garcia matapos na magbigay sa mga umarestong pulis.
Sinabi ni Abanes na handa naman niyang sibakin sa tungkulin ang mga pulis na sinasabing nangikil kay Garcia ng pera kapalit ng pagpapalaya dito. (Ulat ni Doris M. Franche)