^

Metro

Army colonel patay sa ambush

-
Inambus at napatay ng hindi pa nakikilalang suspect ang isang Army colonel kahapon ng umaga sa Quezon City.

Nakilala ang biktima na si Col. Raul Heredia, 50, instructor din sa National Defense College.

Si Heredia ay namatay habang ginagamot sa Quirino Labor Hospital sanhi ng tinamong mga tama ng bala ng baril sa ulo at katawan.

Napag-alaman kay Supt. Agustin Cabales, naganap ang pamamaslang sa naturang colonel dakong alas- 6:30 ng umaga kahapon sa Luciano St., Barangay Masagana, Project 4, Quezon City.

Ayon sa ulat, lulan ang biktima sa kanyang Toyota Corolla (XKS-517) papunta sa kanyang mga magulang para dalawin ang mga ito nang biglang harangin ng isang armadong lalaki.

Walang sabi-sabi itong pinaulanan ng bala ng baril at pagkatapos ay mabilis naman itong sinundo ng isa pang suspect na nakasakay sa motorsiklo at saka mabilis na nagsitakas.

Agad namang isinugod ng ilang nakasaksi sa pagamutan ang biktima subalit hindi nakaligtas sa kamatayan.

Hindi pa rin mabatid kung ano ang motibo sa isinagawang pagpaslang kay Heredia.

Isang masusing imbestigasyon pa ang isinasagawa ng pulisya ukol sa pangyayari.(Ulat ni Angie dela Cruz)

vuukle comment

AGUSTIN CABALES

ANGIE

LUCIANO ST.

NATIONAL DEFENSE COLLEGE

QUEZON CITY

QUIRINO LABOR HOSPITAL

RAUL HEREDIA

SI HEREDIA

TOYOTA COROLLA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with