Nagtamo ng maraming tama ng bala ng baril sa iba’t ibang bahagi ng katawan ang biktimang si Jonathan Anasco, 29, ng Honorio Lopez Boulevard, Balut, Tondo.
Isang manhunt operation naman ang inilunsad ng pulisya laban sa tumakas na suspect na nakilalang si Paul Dayuno, 28.
Sa ulat ng pulisya, naganap ang insidente dakong ala-1:30 ng madaling- araw sa tapat ng simbahan ng San Roque sa naturang lugar.
Kapwa bisita sa isang birthday party ang biktima at suspect at dahil sa nakaubos na ang grupo nito ng isang case ng beer ay nagsimula nang magkaroon ng pagtatalo sa pagitan ng dalawa.
Umuwi ang biktima at sa pagbalik ay may dala na itong sumpak, subalit hindi pa ito nakakarating sa umpukan ng inuman ay sinalubong na ito ng suspect na si Dayuno at ng magkaharap ay halos sabay na nagtutukan at nagpaputok ng baril.
Gayunman, minalas naman ang biktima dahil sa hindi pumutok ang dala nitong sumpak.
Mabilis na tumakas ang suspect matapos ang isinagawang pagpaslang sa biktima. (Ulat ni Danilo Garcia)