Lalaki, biktima ng salvage

Isang lalaki na pinaniniwalaang biktima ng "summary execution" ang natagpuang patay sa isang madamong lugar sa Muntinlupa City kahapon ng umaga.

Tinatayang nasa 35- anyos ang hindi pa nakikilalang biktima na mayroong tattoo sa kanyang likod at may tama ang bala ng baril sa ulo.

Batay sa ulat ng pulisya, nakatanggap sila ng tawag mula kay Jerry Pose, security guard ng Victoria Homes.

Kasalukuyang naglalakad-lakad si Pose nang mapansin niya sa madamong lugar sa Don Pedro Road ang biktima.

May hinala ang pulisya na posibleng sa ibang lugar binaril at pinatay ang biktima at doon lamang sa lugar itinapon upang iligaw ang imbestigasyon ng pulisya. (Ulat ni Lordeth Bonilla)