Base sa impormasyon, ang kidnap-victim na si Jefferson Tan Lim, may-ari ng Gold Ever Hardware and Auto Supply ay inabandona ng mga suspect sa isang liblib na lugar sa Caloocan City matapos na makapagbigay ng naturang halaga ang pamilya nito.
Sa panayam ng PSN kay Supt. Dionicio Borromeo, hepe ng Caloocan City Police Station Investigation Intelligence Branch, kusa umanong nagbayad ang pamilya ng biktima sa apat na suspect kung saan ay itinago ng mga ito sa pulisya ang isinagawang negosasyon at bayaran.
Sinabi pa ni Borromeo na tumanggi ring makipag-tulungan sa pulisya ang pamilya ng biktima para sa pagkakakilanlan sa mga suspect. Ayon sa pamilya sapat na umano na ligtas at nakalaya na ang biktima.
Magugunitang noong buwan ng Setyembre ay pangalawa si Lim sa iniulat na kinidnap sa CAMANAVA area. (Ulat ni Rose Tamayo)