Jinggoy, ituturo sa Diaz slay case

Umabot na sa Philippine National Police (PNP) ang paggamit ng "poison politics" matapos mapaulat na planong i-frame up ng mga awtoridad si dating San Juan Mayor Jinggoy Estrada sa pagkakapaslang kay Manila International Airport Authority Executive Lilia Diaz noong Setyembre 9.

Ayon kay Atty. Rene Saguisag nagsabi na ang suspect na si Zaldy Dagting sa kanyang mga kamag-anak na tinuturuan umano siya ng mga pulis na nag-i-interrogate sa kanya na ang dating alkalde ang ituro bilang mastermind sa krimen.

Sinabi ni Saguisag na nagulat lamang siya sa umano’y pamumuwersa ng mga pulis sa suspect upang makakuha ng "pogi points" at tuluyang sirain ang political career ni Estrada.

Iginiit ni Saguisag na ang lahat ng paraan ay gagawin ng kalaban sa pulitika ng Estrada upang mangibabaw ang ibang pulitiko. (Ulat ni Doris M. Franche)