Anak ni Sen. Revilla sinapak sa mall

Sinapak ang anak ni Senator Ramon Revilla ng isang binatilyo na nakasagian nito sa isang shopping mall sa Muntinlupa City.

Nakilala ang biktima na si Ramjen Bautista, 15, samantalang ang suspect naman ay nakilalang si Bin Mallare, 17, ng Parañaque City.

Ayon sa pulisya, naganap ang insidente dakong alas-6 kamakalawa ng gabi sa Alabang Town Center.

Napag-alaman na nakasagian ng batang Revilla si Mallare na minasama ng huli at walang sabi-sabing sinapak nito ang una na nauwi na sa pagsusuntukan.

Kapwa dinala ang dalawa sa himpilan ng pulisya. (Ulat ni Lordeth Bonilla)