Estafa laban sa NPC coop nadismis

Dinismis kahapon ng Manila City Prosecutor’s Office ang tatlong kasong estafa na isinampa ng tinanggal na National Press Club President na si Luis Logarta at dalawa pa laban sa mga opisyal ng NPC Multi-purpose Cooperative.

Ayon sa resolusyon na nilagdaan ni Asst. City Prosecutor Evelyn Brul-Cruz, walang sapat na ebidensiya ang kasong isinampa laban kay NPC-MPC chairman Jim Bilasano; Alfredo Llana, vice chairman; Rebecca Naval, treasurer at mga director na sina Ross Sta. Cruz, Reuben Yambot, Vito Barcelo, Freddie Cortez ay Ed Valen.

Sinabi ni Bilasano na ang desisyon ay bindikasyon sa pangalan ng mga namumuno ng kooperatiba ng mga mamamahayag.

Anila, sa kabila ng panlalait ni Logarta lumabas din umano ang katotohanan na ang kanyang mga akusasyon ay paninirang puri. (Ulat ni Doris Franche)