Misis ng colonel na tumangay ng may 144 sasakyan, sumuko

Sumuko na kahapon sa DILG-Task Force Jericho ang asawa ni San Fernando, La Union chief of police Supt. Rolando Macusi na si Aminah Macusi na inakusahang tumangay ng 144 na sasakyan matapos na manghiram ng mga sasakyan sa pitong car rental sa Angeles City.

Kasama ni Gng. Macusi ang kanyang abogadong si Atty. Eduardo Villena, upang liwanagin ang umano’y kasong large-scale estafa na isasampa sa kanya ng mga may-ari ng rent-a-car makaraang mabigo itong isoli ang kanyang mga inarkilang kotse na may modelong 2001 hanggang 2003.

Ayon kay Villena, nagtataka lamang ang kanyang kliyente kung bakit dapat na sampahan ng kasong large-scale estafa, samantalang may kontrata namang pinirmahan.

Aniya, hindi naman umano kagustuhan ng kanyang kliyente na hindi ibalik ang mga sasakyan. (Ulat ni Doris Franche)