SB-Bistek tandem sa 2004

Tiyak na ang tandem nina Quezon City Mayor Feliciano "SB" Belmonte Jr. at Vice Mayor Herbert "Bistek" Bautista sa nalalapit na eleksyon sa 2004 sa naturang lungsod.

Ito ay makaraang ihayag ni Mayor Belmonte kahapon sa isinagawang thanksgiving na si Bistek ang kanyang magiging tandem sa darating na 2004 elections at hindi gaya ng napaulat na si 2nd district Councilor Aiko Melendez ang makakatambal nito.

Agad namang tinanggap ni Bautista ang deklarasyon ni Belmonte.

Umiwas namang magbigay ng kanyang pahayag si Melendez ukol dito. (Ulat ni Angie dela Cruz)