Nakilala ang nasawi na si Quelito Nerido, 34, ng Woodpecker St., Barangay Rizal ng nabanggit na lungsod.
Lawit ang dila at malamig ng bangkay nang matagpuan ito ng kanyang mga anak na nakasabit sa kisame ng kuwarto ng bahay dakong alas-11 ng gabi.
Ayon sa ulat ni SPO4 Leonardo Timtiman, ng Makati City Police, huling nakitang buhay si Nerido dakong alas-6 kamakalawa ng gabi habang mag-isang nag-iinom bago nagkulong sa loob ng kanyang kuwarto.
Ilang oras ang nakalipas ay pinuntahan ito ng kanyang mga anak sa kuwarto at doon na nadiskubre ang pagbibigti nito.
Ayon sa ilang kaanak maaaring matinding depresyon ang nagtulak dala ng matinding kahirapan at pagbubunganga ng misis ang dahilan ng isinagawa nitong pagpapakamatay. (Ulat ni Lordeth Bonilla)