Hindi na umabot pang buhay makaraang isugod sa East Avenue Medical Center si Robert Flores, ng 120 Riverside St., Brgy. Commonwealth dahil sa tinamong malalim na hiwa sa leeg.
Base sa ulat ng pulisya, naganap ang insidente dakong alas-5 ng hapon sa loob mismo ng bahay ng nasawi.
Ayon kay Delia, kapatid ni Robert na nakita na lamang niyang nakahandusay at naliligo sa sariling dugo ang kanyang kapatid sa may sala ng bahay.
Nakita rin niya na may malaki itong hiwa sa leeg at sa tabi ay nandoon ang isang matalas na kutsilyo.
Ayon sa ilang kaanak, masyadong dinamdam ni Robert ang kawalan niya ng trabaho na maaaring ito ang dahilan ng pagkaaburido nito at pagpapatiwakal. (Ulat ni Doris Franche)