Ex-MILF commander na pumatay ng hipag naaresto

Nadakip ng mga tauhan ng Central Police District ang umano’y isang dating kumander ng Moro Islamic Liberation Front (MILF) na sumaksak at pumatay sa kanyang hipag kamakalawa ng gabi sa Quezon City.

Nakapiit ngayon sa CPD-CIU ang suspect na nakilalang si Makmud Jakarnain, 46, alyas Kumander Gerry matapos nitong saksakin ang biktima na nakilalang si Aleja Salyaw, 34, ng Al Salam St. Muslim Compound, Brgy. Culiat, ng naturan ding lungsod.

Lumilitaw sa imbestigasyon ni PO1 Rommel Merino na dakong alas-11 ng gabi nang maganap ang insidente sa loob ng bahay ng biktima habang ito at ang anak ng suspect na si Alma.

Biglang dumating ang suspect na nagwawala at inundayan ng saksak ang biktima sa iba’t ibang bahagi ng katawan.

Aminado si Alma na madalas na nagwawala ang kanyang ama sa tuwing ito ay nalalasing at nasa impluwensiya ng droga. (Ulat ni Doris Franche)