Matataba target ng praning

Babala sa mga matataba.

Isang lalaking praning ang sinasabing gumagala sa Quezon City at tinutusok ng barbecue stick ang makakasalubong at makikita niyang mataba.

Isa dito si Marcel Cullo, 20, estudyante, ng Barangay South Triangle ng nabanggit na lungsod na nalagay ang buhay sa panganib ng maging biktima ng hindi nakikilalang suspect.

Sa pahayag ni Cullo naglalakad siya sa kahabaan ng E. Rodriguez Blvd. nang bigla siyang lapitan ng suspect.

Walang sabi-sabing tinusok siya ng barbecue stick na mabuti na lamang at hindi lubusang bumaon sa kanyang katawan, pagkatapos ay mabilis itong tumakas.

Nabatid sa pulisya na hindi lamang si Cullo ang nagreklamo ng ganito sa himpilan, kundi may ilan pang rekord na mga tao ring mataba ang nagsabing biktima sila ng panunusok ng stick ng hindi nakikilalang suspect. (Ulat ni Doris Franche)