Nakilala ang nasawi na si Tarlac MTC Judge Arnel Peralta, 43, ng 7 Villa Amor 1 Subdivision, Batasan Hills, Quezon City.
Ayon sa ulat ng pulisya, natagpuan ang labi ni Judge Peralta sa loob ng kanyang kuwarto. Ang asawa nitong si Teresita ang unang nakatuklas sa isinagawa nitong pagpapakamatay.
Sa kabila ng mga hinalang pressure sa mga hinahawakang kaso at problema sa pamilya ang maaaring dahilan ng pagpapakamatay, binubusisi pa rin ng pulisya kung may naganap na foul play sa insidente.
Samantala, isang bala sa sentido ang tumapos sa buhay ng security guard matapos itong magpatiwakal nang hindi na matiis ang pagiging bungangera ng kanyang misis, kahapon ng madaling-araw sa Valenzuela City.
Nakilala ang nasawi na si Alexander Francisco, 35, ng 433 F. Dulalia St., Barangay Lingunan ng nasabing lungsod.
Sa imbestigasyon ng pulisya, bandang ala-1:30 ng madaling-araw nang makita ang biktima sa harapan ng bahay nito na may tama ng bala ng kalibre.38 baril sa kanang sentido.
Bago ito, unang umuwi ang nasawi sa kanilang bahay na lasing na lasing dahilan upang bungangaan ito ng kanyang misis.
Dahil dito, napilitang lumabas ng bahay si Francisco habang sukbit ang baril sa tagiliran.
Ilang sandali pa ay narinig ang malakas na putok ng baril hanggang sa makitang bumulagta na ito sa tapat ng bahay.
Patuloy pang sinisiyasat ang kaso. (Ulat nina Angie dela Cruz at Rose Tamayo)