'Rock version' ng pasyon kinondena ng CBCP

Tahasang kinondena ng simbahang katoliko ang mga mamamayang magsasagawa ng pasyon na "rock version".

Ayon sa Catholic Bishop Conference of the Philippines (CBCP) nilalapastangan ng ilang grupo ang tradisyunal na pasyon.

Sinabi ni Msgr. Hernando Coronel, secretary general ng CBCP na pambabastos ang ginagawang pag-iiba ng tono ng ilang grupo habang nagpapasyon.

Una nang nakarating sa kaalaman ng simbahang katoliko ang ginawang pagpapasyon ng isang grupo ng kabataan sa Tondo, Manila kung saan tono ng kilalang kantang ‘asereje’ ng bandang Ketsup ang ginawang tono ng mga ito. (Ulat ni Grace dela Cruz)