Traffic police na hit & run

Nagkagutay-gutay ang katawan ng isang pulis na nakatalaga sa Traffic Management Group (TMG) matapos na ma-hit and run ng isang ten wheeler truck habang nagmamantine sa daloy ng trapiko sa kahabaan ng South Luzon Expressway (SLEX) sa Pasay City kamakalawa ng gabi.

Namatay noon din ang biktima na si PO3 Renato Unday, 42, naka-duty sa Way Bridge Station ng SLEX sa Nichols.

Agad namang tumakas ang hindi pa kilalang driver ng nasabing ten wheeler truck delivery ng softdrinks.

Base sa imbestigasyon, dakong alas-10:15 ng gabi nang hindi mamalayan ng biktima habang tumutupad sa kanyang tugkulin ang pagdating ng humaharurot na truck at hindi na niya nagawa pang umiwas hanggang sa salpukin siya nito. (Ulat ni Lordeth Bonilla)