GMA pikon na rin sa pyramid syndicate

Inatasan kahapon ni Pangulong Gloria Macapagal-Arroyo ang National Bureau of Investigation (NBI) na huwag tantanan ang mga kompanya na sangkot sa pyramiding scam.

Sa isang briefing sa Palasyo, sinabi ni NBI director Reynaldo Wycoco na mayroon pang 12 hanggang 13 kompanya ang nag-ooperate at sangkot sa naturang mga anomalya ng pyramiding at libu-libo pa ang patuloy na binibiktima.

Ayon kay Wycoco, awang-awa na si Pangulong Arroyo sa mga nagiging biktima ng mga ito, kabilang na ang maraming biniktima sa hanay ng militar at pulisya.

Labintatlong kompanya pa ang sumasailalim ngayon sa surveillance ng NBI sa pakikipagtulungan sa Securities and Exchange Commission. (Ulat ni Ely Saludar)