Mabagal magresponde sa sunog, hepe ng medical mission, ginulpi

Dahil sa umano’y kabagalan sa pagresponde sa sunog, pinagbubugbog ng taumbayan ang hepe ng medical mission, kahapon sa Tondo, Manila. Pinagbalingan ng galit ng taumbayan kaya pasa-pasa ang mukha at katawan ng biktimang si Inspector David Saob dahil sa kabagalan ng mga tauhan nito sa pagresponde sa naganap na sunog. Nabatid sa ulat na nagsimula ang sunog dakong alas-10 ng gabi at tumagal hanggang alas-5 ng umaga sa bahay ng isang nagngangalang Aling Aida. Binanggit ng mga residente na maaapula sana agad ang apoy kung rumesponde kaagad ang mga tauhan ni Saob at mga kagawad ng BFP. Umaabot sa milyun-milyong halaga ng ari-arian at 8,000 kabahayan ang naabo sa naganap na sunog. (Ulat ni Grace dela Cruz)