Ayon sa ulat ng pulisya, pumasok sa Tikyo Restaurant and Beerhouse sa Commonwealth Avenue si Royette kasama ang dalawa pang kaibigan.
Alas-8 ng gabi nang magsimulang mag-inuman ang mga ito at inabot hanggang ala-1:45 ng madaling- araw.
Ayon kay Juliet Socoro, floor manager sa nasabing restaurant na inakala niyang pupunta lamang sa comfort room si Padilla kung kaya’t pinabayaan niya ito.
Nagsimula siyang magduda nang mawala na rin sa mesang pinag-iinuman ni Royette ang dalawa pa nitong kasama.
Umabot sa P4,108.00 ang bill ng ininom ng grupo ni Royette na hindi binayaran at tinakbuhan. Kasong estafa naman ang inihahanda laban dito. (Ulat ni Doris Franche)