Mag-asawang 'tulak' nadakip

Isang mag-asawang umano’y ‘tulak’ ang dinakip ng mga tauhan ng pulisya sa aktong gumagamit ng shabu sa harapan mismo ng kanilang mga anak kahapon ng madaling-araw sa Taguig.

Kapwa naghihimas ng rehas na bakal ang mag-asawang nakilalang sina Sagiera, 27, at Teng Salazar, ng Barangay Maharlika Village ng bayang nabanggit.

Ayon sa Taguig Police, dakong ala-1:30 kahapon ng madaling-araw nang magsagawa sila ng operasyon sa lugar matapos na makatanggap sila ng impormasyon tungkol sa pagbebenta ng droga ng mag-asawa.

Natiyempuhan pa ng mga awtoridad ang mag-asawa na sumisinghot ng shabu sa harap ng kanilang mga anak.

Nasamsam sa mga suspect ang dalawang plastic sachet ng shabu at mga drug paraphernalias. (Ulat ni Lordeth Bonilla)