Barangay Officials binoga ng tanod, patay

Isang tama ng bala sa katawan ang pumatay sa isang opisyal ng barangay makaraang makipagtalo sa isang barangay tanod sa Quezon City.

Namatay noon din ang biktimang si Romeo Aldaya, 37, purok leader sa creek side sa Kasunduan St., Barangay Commonwealth, Quezon City.

Mabilis namang tumakas ang suspect na nakilalang si Celso Lucero matapos ang pamamaril.

Batay sa inisyal na imbestigasyon ng pulisya, naganap ang insidente dakong alas-9 kamakalawa ng gabi sa may barangay hall sa Barangay Commonwealth ng nasabing lungsod.

Kasalukuyan umanong nagmimiting ang mga opisyal ng barangay nang makaalitan ng suspect ang isang purok leader at nagkaroon ng mainitang pagtatalo.

Inawat ng biktima ang suspect na ikinagalit nito hanggang sa mabunton ang galit ng huli sa una.

Agad na itinutok ng suspect ang dalawang sumpak at pinaputukan sa noo ang biktima. (Ulat ni Doris Franche)