Kaugnay nito, inirekomenda ni LTO Chief Roberto Lastimoso kay Land Transportation Franchising Regulatory Board (LTFRB) Chairman Dante Lantin na suspindihin ang franchise ng Falcon Bus Line dahil sa paglabag ng kumpanya sa franchise.
Ito ay nang malaman ng LTO na out-of-line o wala sa franchise ng Falcon bus nang magtungo sa Maynila dahil Bicol region lamang ang ruta nito.
Samantala, inutos naman ni Lastimoso kay Atty. Percival Cendana, chief LTO-Law Enforcement Division na bumuo ng team para imbestigahan pa ang insidente.
Layunin ng hakbang na higit na mapangalagaan ang kapakanan ng riding public mula sa mga public utility vehicle operators na hindi sumusunod sa kanilang franchise.
Sa report ni Cendana kay Lastimoso, mahigit 500 out-of-line at colorum vehicles ang nakumpiska ng LTO nitong nakaraang buwan ng Oktubre 2002. (Ulat ni Angie Dela Cruz)