3 paslit binihag, hinalay ni lolo

Tatlong paslit na mistulang ginawang hayop ng isang lolo, itinali at ginawang parausan sa loob ng kanyang tahanan ang nailigtas ng operatiba ng Caloocan Police.

Ang biktima na may gulang na 7 hanggang 11 taon ay nagawang maisalba sa kamay ng hayok na lolo na nakilalang si Eleonor Masorante, 56, ng Block 15-A Lot 50, Dagat-Dagatan, Caloocan.

Si Masorante ay mabilis na tumakas matapos mabatid na natuklasan na ang kanyang kahayukan.

Ayon sa imbestigayon ng pulisya, sinimulang halayin ng suspect ang tatlong paslit noong Oktubre 24 ng taong kasalukuyan.

Sinasabing upang hindi makatakas, nagawang itali ng suspect ang mga bata na parang aso sa loob ng kanyang bahay. Binusalan pa ang mga bibig nito.

Natuklasan lamang ang krimen makaraang makita ng kapatid ng isa sa mga biktima ang kalagayan ng mga bata kung kaya mabilis nilang ipinagbigay alam ito sa mga awtoridad at saka sinalakay ang bahay ni Masorante at nasagip ang tatlong paslit. (Ulat ni Rose Tamayo)