Manila RTC nasunog

Naabo ang mahahalagang dokumento sa Manila Regional Trial Court matapos ang naganap na sunog kahapon ng madaling-araw sa ika-apat na palapag ng Manila City Hall sa Ermita, Maynila.

Bukod sa mga mahahalagang dokumento kasama sa naabo ang dalawang computer, dalawang aircon at iba pang kagamitan na tinatayang aabot sa P200,000.

Ang sunog ay nagsimula dakong alas-12:30 ng madaling araw ay naapula makalipas ang may kalahating oras.

Base sa imbestigasyon ng Arson Division, ‘faulty electric wiring’ ang pinagmulan ng sunog na umabot sa 3rd alarm. Isang masusing imbestigasyon naman ang isinasagawa ukol dito para alamin kung sinadya o aksidente lamang ang naganap na sunog. (Ulat ni Grace dela Cruz)