Ador Mawanay dakpin!

Inutos kahapon ng Manila Regional Trial Court (MRTC) ang pag-aresto kay Angelo "Ador" Mawanay makaraang mabigo itong sumipot sa arraignment ng kinakaharap nitong kasong estafa tungkol sa mga hindi nai-deliver na mobile phones. Ang kautusan ay ipinalabas ni Judge Hermogenes Liwag ng RTC Branch 55 makaraang hindi nito siputin ang pre-trial noong Sept. 26 sa kabila ng mga hearing notices na ipinapadala sa kanya. Kaugnay pa nito ay ibinasura na rin ni Liwag ang piyansa na inilagak ni Mawanay para sa kaniyang pansamantalang kalayaan. Lumilitaw na noong Feb. 22, 2000 isang Susan Amego ang nagharap ng demanda laban kay Mawanay makaraang hindi nito mai-deliver ang cellphones na nauna ng binayaran ng halagang P25,000. (Ulat ni Andi Garcia)